|
دِ سوُار سگوند يكهَ / دِ مين دُنيا
|
دِ نبَرد شمشير زني / دِ مين جنگيا
|
|
سي سوُاروُ حاجي كلي/ ها مي زنمِ زار
|
مهِ دِ ايي مالگهَ دلْ گير/ ها بَكنم بار
|
|
غَم اوُما دشت دلمِ / وِرزهَ دوُواري
|
بار وَنهَ مالگه گريت / ساختهَ بناي
|
|
جارچي خان جار مي زنهَ/ سوُمال كنوُنهَ
|
مال بار كِرد افُتا وارهَ / دِ بار نبوُنهَ
|
|
نَمَنهَ دِ گپوُنم / كَسْ دوُ سوُاروُ
|
نَمَنهَ چوُغا وِ شوَ / رووهَ وِ ديووُ
|
|
مهِ تا كي وا بَنالِم / تنيا دِ حوُنهَ
|
كَسْ وِ كَسْ سر نمِيارهَ / آخر زموُنهَ
|
|
غَم اوُما توغيان كِردهَ / و ِ دشت جوُنمِ
|
ليلمِ دهَ وَنم دِ وِر/ هيرد كِرد سخوُنم
|
|
آهوُ دشت تا بِسيِتي / هَمش هُمارهَ
|
قوُشني ايل سگوند / هَمش بِرارهَ
|
|
سنگريا دِ دلْ زمي / خاك ماسهَ بادي
|
زن وُ زيلدِ مين ايل/ها مي كَن شادي
|
|
وِ گوُتهَ چه آسوُنهَ / وِ چَش چه سَختهَ
|
جنگ افُتا دِ آهوُدشت/ هُماري تَختهَ
|
|
پيا ها كه بِحسهَ / وِر گوُلهَ بِرنوُ
|
روز سنگر دُشمه كمين/ اوُ كشيك شوُ
|
|
قوُشني لُر زبوُبي / دِ شوُ هم لَكي
|
هم سنگر اوُ كُر خوُ / د ِ حوُز مَكي
|
|
آذوُقهَ قرصهَ زردهَ / وا تيكه نوُن جوُ
|
انتقادي اَر داري/ توبيا سي مهِ بووُ
|
|
بهارمِ زرد وُ خزوُ/ حوُشك بي دِ ريشهَ
|
غَم اوُما دشت دلمِ / مَنسي هميشهَ
|
|
بوُسونِ گُلمِ امروُ/حوُشك كِرد سراوُوش
|
باغبوُ وِبُن ايي بَرد / گريتهَ خووُش
|
|
وِر پام اُقيانوسهَ / پُشت كمَر غار
|
شوُ وُ روز نَلحَق زنمِ / وا دلْ بيمار
|
|
اِ خدا مهِ بي كَسمِ / بي كَسي دَردهَ
|
اناشتا وا چاس غَم / شوم آه سردهَ
|
|
قوُم لُر ايلمِ سگوند / قُلي طايفم
|
مالگهَ كَم دِ هَرموُشي / اوُ چهَ منافمَ
|
|
كَژلْ و كُميت سوُار / اوُ كُر دالوند
|
نوُم نيكش مَن وِ جا / سي ايل سگوند
|
|
ياد وُ خاطر آهوُ دشت / فيلمي بَسازمِ
|
سر خاك جنگجوُيا / بارگاه بَسازمِ
|
